Претходно: Јадрански роуд трип - Дел 2: Дубровник

Не е баш дел од јадранскиот дел од патот, но одамна голема желба ми беше да го посетам Мостар, ем поради Стариот Мост и ем да пробам дали (босанските) ќебапи се подобри од нашите :D

Да не навлегувам во историјата на БиХ, повеќето добро сме запознати со неа (повеќе или помалку), но внимавајте - населението е прилично поделено на Хрвати (католици) и Бошњаци (муслимани), па од оние Хрвати што ги познавам од Мостар, знам дека се лутат ако ги наречете Босанци бидејќи се сметаат за Херцеговци. Од нив знам дека имаат и посебни училишта и факултети за Хрвати и Бошњаци, поделени места за излегување, итн.. до некаде и звучи познато. Единствено мешана е главната мостарска гимназија која е исто така интересно архитектонско дело во центарот близу до чаршијата.

Назад на убавите работи: Мостар има околу 100.000 жители, низ него поминува прекрасната река Неретва, има симпатична мала чаршија и изненадувачки има многу туристи. Името на градот доаѓа од чуварите на Стари мост (мостари) кој бил изграден во 16-ти век и е еден од најпознатите и најпрепознатливи мостови на Балканот (а можеби и пошироко) поради неговата големина и само еден свод што било значително архитектонско дело во тој период. За жал денешниот мост всушност е реплика завршена во 2004-та година бидејќи оригиналниот бил срушен во војната, а заедно со него биле реконструирани сите историски обележја во неговата околина, вклучувајќи ги двете кули од страните - Тара и Халебија. Во 2005-та мостот и неговата околина биле заштитени како споменик во UNESCO.

Претходно: Јадрански роуд трип - дел 1: Патот

Првата дестинација ни беше Дубровник - легендарниот град во кој ако не сте биле досега, сигурно сте го слушале од вашите родители кои шетале низ Југославија или сте читале за случки во него во лектира во средно, а ако ни двете не се случај, тогаш од модерното доба сигурно го знаете како основа за креирањето на King's Landing од Game of Thrones :)

Поглед од кулата Ловријенац

Дубровник е неверојатен стар град со италијански шмек, со прекрасни камени улици, куќи и ѕидини околу цел град, со околу 40.000 жители ама и многу повеќе туристи од целиот свет. Може да се каже дека е најпопуларна, па и монденска, дестинација во Хрватска - особено во текот на летниот период. За жал бил бомбардиран во ’90-те, но за среќа целосно реконструиран, со тоа што Дубровчаните сè уште имаат поставено текстови и фотографии на надворешниот дел од музејот War Photo Limited, а зачувани се и куќи и улици со дупки од куршуми во ѕидовите за да го потсетуваат светот на овој факт.

Лонг тајм ноу пост, после само 2 поста во 2016-та (иако може да следите некои новости на фејсбук страната)... конечно малку време за да напишам нешто за неколкуте патувања од 2015-та година :) 

Ако редовно го следите блогов, ќе знаете дека многу сакам главниот одмор со плажа да ми биде во Јуни со денови од стар одмор, подолг ден, помалку гужва и поголем избор за сместување (како Сардинија, Крит и Лефкада), па така останува шанса за можеби уште некое патување кон крајот на летото или повеќе викенди во текот на годината.

Во Јуни 2015-та бевме поканети на свадба на островот Брач во Хрватска, па тоа беше одлична можност за планирање на цел одмор околу таа централна точка. Така, се одлучивме да направиме еден јадрански роуд трип и да поминеме неколку дена во Дубровник, да тркнеме до Мостар пред да уживаме неколку дена на/во Хвар, да отидеме на свадба на Брач, па да останеме уште некој ден во Сплит со кратка посета на Трогир.



Имавме уште многу желби, да одиме дури до Задар, Шибеник и до националниот парк Крка, арно ама моравме да оставиме нешто и за следен пат затоа што во септември направивме уште еден огромен патувачки подвиг по повод уште една свадба (се надевам до крајот на годинава ќе стигнам да напишам и за тоа патување :Р).

Во овој пост малку повеќе околу патот...

...и по првиот дел со воведот и вториот дел за северот на Сардинија, еве го конечно и југот и воедно последен дел од ова патување! Wohoo :D

...и редно време беше после првиот дел за Сардинија објавен лани во Мај да го довршам и остатокот од приказната (бидејќи многу други приказни ми се испослучија во меѓувреме) :) Овој дел е само за северниот дел, но ветувам дека пред навршување на една година ќе го објавам и за јужниот :D




Колку повеќе раскажувам и колку повеќе луѓе отидоа во меѓувреме на Сардинија, толку повеќе ми е криво што не останавме повеќе од 10 дена или не се фокусиравме само на југ или север од островот и да го оставиме другиот дел за друг пат. Останаа премногу пинови црвени и непосетени, ама и ако се оди некогаш пак, ќе ни бидат расштркани низ цел остров :)

Сардинија (Sardinia) или Сардења (Sardegna) на италијански или Сар'диња (Sardigna) на сардински [:)] е вториот по големина остров во Средоземното Море после Сицилија (за малку) и е автономен дел од Италија. Локацијата доаѓа отприлика одма карши Рим, под француската Корзика.

Иако ние малку сме слушале, има пребогата историја уште од пред нашата ера, час била популарна за освојување, час ја оставале на раат да си биде автономна. Ќе напишам повеќе околу градовите и остатоците од цивилизацијата на Нурагите (не можам да најдам никаков извор на македонски, па ако знае некој нека линка).

Иако овој пат поради обврски не планирав да го искористам јунскиот одмор, сепак ни улета шанса која не се пропушташе - понуда за нововоспоставените летови со Алиталиа преку Рим до кој било италијански остров за 149€. Имајќи предвид дека само до Рим редовната цена на летовите е скоро дупло, моравме да ја искористиме оваа шанса и да летнеме до ретко зборуваниот и преубав остров Сардинија. Некако ни тргна со островиве после Мајорка, Лефкада и Крит, ама за разлика од нив, тука дефинитивно го скршивме рекордот на поминати километри со кола за 10 дена :) И морам да признаам дека е единствен остров од претходниве каде од која страна и да отидовме, сите плажи беа која од која поубави.

*** Сликите се од моето патување и бидејќи сум приврзаник на Криејтив Комонс, ако ги споделувате, линкајте назад на овој блог. Благодарам однапред.

Одамна летам со евтини летови и неколку пати имам спомнато колку се радувам дека WizzAir ни овозможија да летаме за евтини пари низ Европа. 

Сепак со нив летав најмногу еднаш во годината и никогаш не сум ја разгледала опцијата за членство во Wizz клубот за попуст (Wizz Discount Club). Оваа година веќе имам купено 2 карти за групи од по тројца, па сакав да го споделам искуството со оваа можност. 

Покрај тоа, сакав да спомнам и за ваучерот кој се добива со регистрација за Скопскиот Маратон, а од идниот месец, за прв пат воведуваат избор на седишта!

Wizz Discount Club

Постојат 2 типа на членства, едниот е стандарден кој важи за поседувачот на клуб-членството и уште еден придружник, а вториот тип е групна за поседувачот клуб-членството до 5 придружници. 

Ако купувате во денови кога има 20% попуст на летовите со членството во клубот (се случува 2-3 пати месечно да има 20% попуст), тогаш групното членство за повеќе од двајца веќе се исплати со добиениот попуст! Исто така има секогаш попуст на дополнителниот багаж од фиксни 5 евра.  

На пример, кога се одлучивме да купиме клуб членство, картата за тројца беше редовна цена околу 22.000 денари, додека со картичката околу 17.000 денари со се вклучена клуб членство - самата карта реално беше под 14.000 денари.

Сепак она што не е фино ограничување, е тоа што членството не може да се префрли на некој друг, така што најмногу се исплати да ја купи некој од друштвото/семејството што најчесто лета... Ако летате почесто сами или барем еднаш во група, ви препорачувам да се снабдите со клуб членството :) 

Е сега, кога станува збор за цените и деновите кога има 20% попуст... никогаш не се знае. Нема прецизно однесување на системот, не можете да го излажете со нов инкогнито прозор на пребарувач (што не значи дека не треба да пробате :Р). Некогаш навистина има поголем попуст, некогаш не. 

Примерот погоре, кога плативме за групно членство, беше токму на ден со 20% попуст за членовите на клубот, но викендов за велигденските празници со истата понуда цената беше иста како и претходните денови, додека ден по попустот цените беа навистина многу пониски од тие за време на важечкиот попуст. Најдобро е да ги следите неколку недели и да видите како се однесуваат, па да видите дали вреди да чекате за поевтина цена или не.

На следните две слики може да се забележи токму ова второво, цена повисока во петокот (10.04, и истата се задржа до 12.04) за време на 20% попуст и цената еден ден откако помина попустот која е поевтина (13.04). Сепак, како што кажав погоре, ова не е правило, па ви препорачувам да следите како се движат картите и тоа за бројот на патници кои планирате да одите, бидејќи некогаш и тоа влијае на цената (на пример, за еден патник е поевтино, се трошат бројот на седишта кои се со таа цена, ако додадете понатаму уште еден патник истата цена во истиот ден веќе е поскапена).

10.04.2015 со понуда од 20% попуст

13.04.2015 без понуда од 20% попуст, но со редовен попуст со клуб картичка

Избор на седиште

Она што е најново е изборот на седишта и започнува за сите летови по 19-ти Мај. Јееее! Значи нема веќе туркање за да се фати подобро седиште :) Тие што сте се возеле, се знае дека сите патници фаќаат ред на портата за качување во авион дури половина час пред да се отвори за да се осигураат дека ќе си фатат место со придружниците или понапред итн. 

Отсега, седишта за вашата група ќе бидат доделени по автоматизам (како кај другите компании кога се чекирате пред влегување во авион) со внимание да се доделени заедно, а доколку сакате да го смените местото за седиште понапред или со поширок простор за нозете, можете да го направите тоа со доплата како што е наведено на следната слика.

Ваучер од WizzAir Скопски Маратон

Минатата година за прв пат WizzAir беше главен спонзор на Скопскиот Маратон и за секој кој учествуваше без разлика на која трка (5км, 21км, 42км) им додели по еден ваучер во вредност од 20€. За жал ваучерот од минатата година не стигнав да го искористам до 1-ви Декември, но затоа секако ќе го искористам тој од годинава :)

Со секоја регистрација на маратонот, добивате код за ваучер во потврдата која ви стига на e-mail. Кодот од 17 цифри се внесува токму пред крајот на целиот процес, пред да се плати картата, во посебен таб Wizz Voucher. По кликањето на копчето Submit Payment (на македонски веројатно има соодветен превод), цената директно се намалува за 1250 денари и ваучерот се запишува во табела подолу, така што може да се внесат и повеќе ваучери.

Плаќање преку банка

Кога сме кај плаќањето и трите табови, плаќањето преку банка морав да го испробам пред месец дена :) Ако порано провизијата за административна такса од 500 денари (по лет по човек) се плаќаше само за плаќања со платежна картичка, тоа веќе не важи и таа е вклучена и со плаќање преку банкарски трансфер.

Освен ако не морате, навистина не ви препорачувам да се мафтате од обични до девизни шалтери и да доплатите 30-40 денари за девизниот трансфер на локална сметка на нерезидент... така што плаќајте си со картичка за пријатно корисничко искуство :)

----------

Ако имате некој совет или финта за летање со WizzAir, слободно споделете во коментари! ;)

Постојано ни се појавуваат листи на земји и градови кои треба да ги посетиме во животот, најдобрите места за патување во 2015-та, најшарените градови во светот, итн итн. Голем дел од нив ги споделив и редовно ги споделувам на твитер и на фејсбук страната :)

Се мислев дали да пишувам за некој град кој може да го посетите зимава, ама се одлучив и за сопствени потреби да си направам моја листа на желби за следниве неколку години... зашто кога ќе си зацртате некоја цел во глава, многу е полесно да ја остварите ;)

Супер постерче од македонскиот дизајнер Flim! <3

Како најдобро да ја почнам новата година од планирање на нова тура скијање и навраќање на ланското? :) Она што минатата година ни беше најлесно за одлука беше дека ќе одиме на скијање во Австрија или Германија (па што сака нека биде), а она што беше најтешко беше да се одлучиме баш во кој ски центар би оделе... изборот е огромен!

Еве како изгледаше мапата на местата за кои сме слушнале или знаеме некој кој бил таму... хаос.

Бидејќи планот беше да одиме со другарите кои живеат во Минхен (повеќе за Минхен: дел 1, дел 2) со лет до таму, изборот беше помеѓу германскиот Гармиш Партенкирхен и некој од центрите во Австрија кој би бил поблиску за патување со воз. Датумот го планиравме по 15-ти Март бидејќи тогаш завршува сезоната и ски-картите и сместувањата се далеку поевтини од цените во екот на сезоната.

Лани скоро и да немаше снег кај нас, а во Гармиш беше слична ситуацијата, па, благодарение на препораките од другаровите колеги кои одат во Австрија на еднодневно скијање, на крајот се одлучивме да одиме во долината Цилертал (Zillertal) и да се сместиме најблиску до ски-центарот Хохцилертал (Hochzillertal). 

Она што е интересно за оваа долина е што во неа има 5 големи скијачки центри, во кои ако се купи ски-карта за повеќе од еден ден, истата важи во кој било ски-центар во околината. Центрите се поврзани со мала стара железница која почнува во Јенбах (Jenbach) и завршува кај гратчето и ски-центар Маерхофен (Mayrhofen). Од секоја железничка станица близу до ски-центар до главната гондола на центарот има организирани ски-автобуси кои го чекаат возот - и целиот превоз и со воз и со автобус низ долината е бесплатен доколку сте со скијачка опрема, FTW!

Ние се сместивме во селцето Рид им Цилертал (Ried im Zillertal) од каде фаќавме автобус блиску до сместувањето (не мораше и воз) кој нè носеше до самиот почеток на гондолата и почетокот на ски центарот Хохцилертал во гратчето Калтенбах (Kaltenbach). Малку звучи збунувачки со сите имиња и парови место-центар, ама сè си функционира супер и од сместувањето до влегување во гондола ни требаа 10-15 минути.

Долината Цилертал со сите ски центри

Возот Јенбах - Маерхофен со обележани станици од кои почнуваат ски-центрите

Не можете да ми ја замислите среќата кога ќе добијам некоја информација за екстремно интересно патување, не па конечно некој да си го исполни ветувањето и да состави текст за него! (поздрав до Азијците :Р). 
Ива Р, фала ти најнајнајмногу за доближувањето на Гвадалупе до сите во Македонија (и тоа што многу ме потсети и ме врати на Куба)... читајте и уживајте!

Да ви признаам, пред да решам да одам во Гвадалупе (Guadeloupe), не знаев ни дека постои, можеби само името ми звучело малку познато, од изборите за Мис на Свет, но јас не знаев за овој остров, ни кај е и што е ни чиј е. Можам да се сметам за среќна, што се склопија неколку коцки и поради сплет на околности планот за моето овогодишно најобично летување, мораше да се смени. Имав прилика да отпатувам некаде подалеку. Е, но каде?

Имам јас една бубачка за патување уште од одамна, па обожавам да гледам во мапата и да си правам листи на места кои сакам да ги посетам некогаш во животот. Сега истото го правев со конкретна цел, и уживав во тоа. После долго пребарување на авионски конекции, временски услови, моментална безбедност буквално низ целиот свет, случајно зумирајки на мапата, наидов на островот Гвадалупе!

Уште откако го креирав блогот, дизајнот го оставив „за еден ден кога ќе имам време“ како и сè друго од една голема листа на „проекти за во слободно време“. Периодов се подослободив од многу обврски, па пред да следуваат нови постови, морав да го редизајнирам блогот да биде почитлив. Инспирација ми е medium.com каде дремам во последно време читајќи долги текстови, па се одлучив постовите да бидат во сличен формат со голем текст за полесно читање (па и принтање по 2 страни на лист, иако треба да поработам уште малку на тој дел :))

Стариот нека стои тука како историја, а вашите забелешки се добредојдени... фала што го читате овој блог :)

Го прочитавте постот за Париз? Е па, како што јас го напишав за Ива, така таа ми напиша дополнување на постот со преубави корисни работи! <3 Читнете што пишува во гостинскиот пост "Paris za Sandra.docx" :) 

---

Да бидам искрена, како и Сандра и јас имав малку предрасуди за Париз пред да тргнам. Мислев дека љубовната приказна на градот на светлината и целиот свет нема да ме допре мене, дека сето тоа е туристичка фама, ама сепак испадна дека не сум толкав хипстер како што си мислев :) па така по само 7 дена поминати таму јасно и гласно изјавувам Paris, Je t’aime! и одвај чекам да одам пак :) Нема да ја споделувам нашата тура, туку ќе се обидам да ги издвојам само работите кои ми оставија најголем впечаток, ова се само неколку дополнувања на веќе супер насоките на Сандра, се надевам ќе помогнат.

Прво и најважно. Доколку планирате да посетите повеќе од 2 музеи, обавезно земете си Paris Museum Pass. Картата важи за скоро сите музеи и историски локалитети (комплетната листа можете да ја погледнете тука :) и може да се купи за 2, 4 и 6 дена. Можете да ја нарачате онлајн или да ја купите во првиот музеј до кој ќе дојдете.

Ние зедовме за 4 дена по цена од 56 евра и испадна дека тоа беше најдобра инвестиција што ја направивме во Париз :) Не само заштедивме мноооогу пари (само во Версај вкупно ве фаќа околу 50 евра да разгледате сѐ), туку и имавме приоритет на влез скоро секаде, па така наместо да чекаме во редица 1 час пред влезот на Лувр, го заобиколивме редот и влеговме веднаш :) Уште една супер работа е што немате ограничување на тоа колку пати ќе влезете во еден музеј, што значи дека ако се вљубите во некој музеј како ние во Помпиду, ќе можете да си влезете повеќе пати :)

Долго време не сме си пишале, а? :) Не дека немам нови патувања што ме чекаат на биро да ги напишам, но ѝ ветив на Ива дека за Велигден ќе напишам некој збор за Париз за да знае каде да прошета на нејзиното дооолго очекувано патување... па, еве го :)

Отсекогаш бев скептик за Париз заради тоа што премногу луѓе ми го имаа зборувано колку е прекрасен, а и веќе имав видено голем дел од европските градови кои горе-долу сите потсетуваат еден на друг па не очекував тој да биде нешто посебен. Но, првата година од (сега веќе редовната) понуда на Кроација Ерлајнс за евтини летови преку Загреб, сепак се одлучив да ја искористам можноста и да го посетам Париз и тоа знаев дека сакам да поминам повеќе време од тие 2-3 дена кои обично сите ги имаат поминато на апсолвентска екскурзија. Се спакувавме четворица другарчиња и една зима летнавме на недела дена.

И да, тоа е градот на светлината, и да, прекрасен е :)

Малку повеќе доцнам со постов, ама одговара совршено за тие што ќе се одлучат да одат во Дубаи за Нова Година :) Првиот дел беше напишан во мај и обавезно пред одење прочитајте го тука.

Иако не стигнавме да видам сѐ што сакав, сепак успеавме да ги прошетаме голем дел од објектите и местата, а и (покрај сите сплетки) да отидеме на пустинско сафари. Имајте предвид дека таму викенд е петок и сабота, а во петок ништо не работи до 14 часот, вклучувајќи го метрото, автобусите, сите трговски центри, отворени пазари и тн.

Метрополитен, indeed.

На крајот на постов има и видео од моментите што вредеше да се доловат подвижни :)

Еве ги работи што мора да се видат/направат, во зависност колку време имате:

Иако сама заборавив да си одбележам двегодишнина од постоењето на блогов, благодарение на Блогираме.мк имав повод да се потсетам на тоа :)

На овогодинешните блогерски и твитерџиски награди кои се одржаа изминатава среда, ја добив наградата за „најдобар блог во домен на културни работи“. Воопшто не очекував ваква награда бидејќи едвај пишувам по еден пост месечно, но од срце ви благодарам на сите за секој глас! Вашата поддршка ми дојде како утеха за сите часови поминати во истражување и составување на долгометражните блог постови :)

Листа од сите наградени блогови ѕирнете тука. Фотографии од настанот тука. Резултати тука.

Фото: it.com.mk

Резултати: Блогираме

Пред точно 2 месеци на барање на Јане, наместо само презентација на фотографии напишав текст со совети фотографирање при патувања за на неговиот блог PCK Laboratory. Конечно еве го и кај мене преведен, а оригиналот сѐ уште може да го најдете тука :)

Никогаш не сум се сметала дека сум фотограф, но можам да кажам дека отсеткогаш сум била „визуелен“ ученик, односно ме интересирале визуелните уметности. Како инженер по информатика и информациски технологии кој одлута во веб дизајнот (и има навистина лоша, ужасна меморија!) наклонета сум да ги чувам споментите во пишан и визуелен дневник.

Страста за патувања почна од 2006-та година и оттогаш се трудам да ги зачувам моментите од мојот живот низ фото-записи исто толку колку што запишувам ситници во моето патувачко дневниче. Како поранешен блогер и некој кој пишувал огромни мејлови за да ги одговори прашањата на другарите за некое место кое претходно сум го посетила, го започнав и овој блог преточувајќи го искуството во патувањата и фотографите во еден корисен онлајн дневник.

Еве неколку корисни совети за фотографирање при патувања кои сум ги сфатила патем.

1. Улови го духот на улиците

Убавината на еден град не е во неговите згради, туку во луѓето помеѓу нив. Научете повеќе за местото пред да го посетите и покрај стандардните туристички знаменитости, научете за настаните кои се одвиваат додека сте таму, прашајте за летни прослави (фиести), фестивали и места кои се во близина а вреди да се посетат и шетајте што можете повеќе наместо да користите јавен превоз. Обидете се да ги уловите моментите од секојдневниот живот додека шетате наоколу. И секогаш одете на отворените локални пазари за храна и друго, можете многу да научите за нечија култура од работите што ги продаваат таму.

Белград, Србија, 2011 [Nikon D90, 18-105mm]

Париз, Франција, 2011 [Nikon D90, 18-105mm]

На првиот есенски ден, си дадов задача да ја завршам приказната за Крит. Во првиот дел може да ги најдете податоците како да стигнете таму, за сместување и храна. Во овој дел е она што мора да го видите и посетите (од западниот дел) и каде сѐ да се препуштите на песочните убавини на овој остров.

Уште еднаш мапата по која може да се водите:

View Crete, 2013 in a larger map

Иако неколку пати сум планирала, сѐ уште не сум била на Тасос, па задоволството да напише гостински пост овој пат го оставам на патувалците @iivvanaa и @teksega :) Слободно дополнете во коментари ваши искуства или контакти за сместување.

---

Тасос, (грчки: Θάσος) е грчки остров во северниот дел на Егејско Море. Најсеверен од сите грчки острови, 12ти по големина, со главен град Тасос или Лименас Тасу (Limenas Tasou, што значи „Пристаништето на Тасос“), е на околу 10km од местенцето Керамути (Keramouti).

Пиле на траект :) [Photo by Andreja]

Како до Тасос

Траект може да се фати од две места, Кавала или Керамути. Натаму одевме преку Кавала, се враќавме преку Керамути. До Кавала, од Скопје има 378km, или 4 саати возење со кола и тука не е пресметана гужвата што не можеш да ја предвидиш на грчка граница. На одење заглавивме на граница околу саат време и го фативме траектот во последната минута, буквално. Дури и тетката што продаваше карти ми рече дека треба да трчам назад до кола. На враќање на пример, цариникот воопшто и не проверуваше пасоши.

View Thasos in a larger map